💥 रिपब्लिकन पार्टी च्या पुनर्बांधणीसाठी समता सैनिक दलातर्फे प्रबोधनपर कार्यक्रम संपन्न💥
दि.24/03/2017 रविवार रोजी सायंकाळी 6 ते 9 वाजेपर्यंत बुद्ध विहार, पुसदा, अमरावती येथे प्रबोधनपर तसेच प्रशिक्षणात्मक कार्यक्रम आयोजित करण्यात आला. सर्वप्रथम समता सैनिक दलाच्या वतीने घरोघरी जाऊन कार्यक्रमाचे पत्रके वाटण्यात आली. समाजाला त्याद्वारे कार्यक्रमात उपस्थित राहण्याचे आवाहन करण्यात आले. नंतर विहारात कार्यक्रम घेण्यात आला ज्यात समता सैनिक दलाचे कार्यकर्ते आयु.प्रफुल कडू, प्रशिक आनंद यांनी उपस्थितांना मार्गदर्शन केले.
सद्यस्थितीत समाजाची दशा आणि दिशा या विषयावर प्रकाश टाकण्यात आला. बाबासाहेबांनी जन्मास घातलेल्या संघटना आणि त्या संघटनांच्या संविधानाची अमंलबजावणी आजघडीला उध्वस्त झालेल्या समाजाला किती अगत्याची आहे याची जाणीव करून देण्यात आली. आपल्या समाजाचा सळसळता गौरवशाली इतिहास उपस्थितांना विशेष प्रेरणादायी होता ज्यात बाबासाहेबांनी जन्मास घातलेल्या रिपब्लिकन पार्टी च्या तत्वज्ञानाची बीजे कशी रोवलेली आहेत हे प्रशिक आनंद यांनी उत्तमरीत्या विशद केले आणि सोबतच आपली नेमकी चळवळ कोणती यावरही प्रकाश टाकला. याप्रसंगी उपस्थित कार्यक्रमात तरुणांनी आणि पुरुष-महिलांनी उत्स्फूर्त सहभाग नोंदविला.
तरुणांनी स्वयंप्रेरणेने समता सैनिक दलात रीतसर सदस्य होऊन रिपब्लिकन चळवळीच्या पुनर्बांधणीसाठी कटीबद्द झाल्याबद्दल त्यांचे हार्दिक अभिनंदन करण्यात आले. कार्यक्रमाच्या आयोजनासाठी आयु.राहुल कडू, मिलिंद भनगे यांनी विशेष श्रम घेतले त्याबद्दल त्यांचे आभार तसेच बुद्ध विहार कमिटीच्या सर्व कार्यकर्त्यांचेही मनपूर्वक आभार.
द्वारा:
समता सैनिक दल,
थुगाव शाखा, अमरावती
www.ssdindia.org
(संविधानिक रिपब्लिकन चळवळीच्या पुनर्बांधणीसाठी कटिबद्ध)
