:: “समता सैनिक दल ” चा कॅडर कॅम्प नागपूर ::
दि. २२.०३.२०१५ रोजी समता सैनिक दलाची कार्यशाळा संपन्न झाली. ५० च्या जवळपास कार्यकर्ते उपस्थित होते. आता रिपब्लीकन आंदोलनाला गतिमान केल्याशिवाय तरणोपाय नाही यावर एकमत झाले. रिपब्लिकन आंदोलनाला बळकटी देण्यासाठी तळागाळापर्यंत जावून कार्ये करण्यासाठी तयार असल्याची भूमिका प्रत्येकाने मांडली.
समता सैनिक दलावर रिपब्लिकन आंदोलनाला प्रबळ करण्याची फार मोठी जबाबदारी आहे, हेच आमच्या चळवळीला पुढे नेवू शकते, यावर शिक्कामोर्तब झाले आणि कार्यकर्ते कामास लागले.
आयुष्यामती संगीता वाळके, आयु. प्रफुल राजवर्धन, आयु. आनंद कौशल, आयु. मंगेश बागडे, आयु. अभिषेख थुलकर यांनी आदल्या दिवशी हस्तपत्रिका वाटून मोलाचे सहकार्य केले. या कार्यक्रमाच्या यशस्वीतेसाठी डॉ.आंबेडकर नगर बौद्ध विहार, धरमपेठ, नागपूर यांच्या अमूल्य सहकार्याबद्दल समता सैनिक दल आभारी आहे.
‘बुद्ध आणि त्याचा धम्म’ या विषयवारील गाढे अभ्यासक, चिंतक आयु. संजय नगरकर यांनी अष्टांगिक मार्गातील एक मार्ग ‘सम्यक वाणी’ या विषयाची महती विशद करून रिपब्लिकन आंदोलनच्या गतिमानतेकरिता कसा उपयोग करायला हवा हे समाजापुढे मांडले.
प्रमुख मार्गदर्शक आयु. मेघराज काटकर, चंद्रपूर यांनी डॉ. बाबासाहेब आंबेडकर लिखित रिपब्लिकन पार्टीची तत्वे, कार्यक्रम व घटनेची विस्तृत माहिती समजवून सांगितली. प्रास्ताविक, संचालन व आभारप्रदर्शन आयु.प्रशिक आनंद यांनी केले.
पुढील कार्यक्रमाच्या अधिक माहितीसाठी खालील संकेतस्थळावर संपर्क साधावा.
www.ssdindia.org
समता सैनिक दल.(Headquarter, Deekshabhoomi, Nagpur) www.ssdindia.org
(Very Important Note : Samata Sainik Dal, Republican Party and The Buddhist Society of India togetherly constitute the REPUBLICAN FAMILY. These are all the integral parts/members of this family.)